என் துடிப்புகள் சோதிப்பாயா
தடம்புரள வைத்தவளே
என் கைகள் உன் ரேகையின்
திசைகள் நோக்கி நீட்டுகின்றனவே
வெகுவாய் உன் நினைவுகள்
அளித்து இதயப்பசி ஆற்றினாய்
இதயத்தின் நிலை அறிய
உரிய ஒற்றை வழி
நீ என் வேதியியல் அறிவாயா
தோள்களின் பலம் சோதிக்காதே
நீ சாய்ந்தால் பலம் கூடுமே
பாரசிடாமல் தேவை இல்லை
பாராய் சிமிட்டாமல் ஒருமுறை
விருந்தாளியாய் வந்த காயங்கள்
விரும்பியே நானும் நோயாளி ஆனேன்
தறிகெட்டு ஓடுது இங்கே
காதல் வந்த அறிகுறிகள்
சுகம் செய்திடவே நீயும்
அகிம்சை முறையில் செய்வாயா
ஒரு அறுவை சிகிச்சை
அபாய நிலையை தாண்டிடவே
நின் வாச ஆக்சிஜன் தருவாயா
என் அனிச்சை செயல்கள்
யாவும் இங்கே உன் ஆட்சியில்!
சூழல் ஏற்க இயலவில்லை
உன் இதயமானி கொண்டு
என் இதயத்தின் ஏழல் அறிவாயா?
love,
Mani kannan
Click here to subscribe...
click here to suggest a topic/situation to write about..
Comments