மின்மினிகளுடன் வந்தவள்
காட்டில் தீமூட்டிப் போனாள்
தீராத காயங்கள் தந்தாள்
மின்னலாய் மறைந்தாள்
முழுமதியாய் உலவியவள்
தேய்பிறைகள் காட்டினாள்
மழை நீராய் நுழைந்தவள்
கரை பெயர்த்து வெளியேறினாள்
என் முகவுரை தந்தவள்
பிரிவுரை ஆற்றாமல் போனாள்
அதிகாரம் கொண்ட அன்பானவள்
ஒரு அதிகாரமாகிப் போனாள்
குளிர்காலத்தில் புத்தாடையானவள்
கோடைகால மின்வெட்டாகிறாள்
சாளரம் வழியே வளியாய் வந்தவள்
பாதைகளில் புழுதி மண்டலம் செய்கிறாள்
மின்மினி கூட்டம் நான் பரிசளிக்கவே,
நிலவைக் கேட்டு சண்டையிட்டுப் போனாள்
நினைவுகளை உடன் அனுப்பி வைத்தவள்
நினைவுகள் நிற்கும் இடம் நோக்கி அழைக்கிறாள்
Love,
Click here to subscribe..
Click here to suggest a topic/situation to write about...
Comments