#T33.காதல் வந்த காலம்!

பூக்கள் நிரப்பிய துப்பாக்கியால்

நான் துண்டாடப் பட்ட காலம்

தண்ணீர் பலூன்களால் நான்

சரமாரியாய் தாக்கப்பட்ட காலம்

நெரிசல் மிகுந்த சாலைகளிலும்

நெஞ்சம் மட்டும் பறந்த காலம்

செல்லிடத் தொலைபேசி அழைப்பில்

செவ்வாய் கிரகம் சென்று வந்த காலம்

நீ பார்த்த பார்வைகள் போர்வையாய்

மாறி தூங்க வைத்த காலம்

மலர்களாய் இலைகள் இமைகளின்

இடையினில் நின்ற காலம்

ஓடு மீன் ஓட உறுமீன் வந்து

விழுங்கிச் சென்ற காலம்

உனக்காக சிரிக்கும் உன் கண்கள்

பிரச்சாரம் செய்த காலம்

கூர்முள் குத்துகையிலும்

கூசல் உணர்ந்த காலம்.

கண்ணாடி முன்னின்று நான் அழகென

சொல் என்று மன்றாடிய காலம்

பிடிவாதம் பிடித்த கடிகாரம்

அவகாசம் கேட்ட அன்றாடம்

நினைவில் நில்லாத நிகழ் காலம்

வரவேற்கத் துடித்த வருங்காலம்

ஏனோ வெறுத்த கடந்த காலம்

ஏனெனில் அது காதல் வந்த காலம்

இது நினைவு கூறும் காலம்

Cover : Photo by Everton Vila on Unsplash

love,

Mani kannan

click here to subscribe